പൂക്കോട്ടൂര്‍: പൂക്കോട്ടൂര്‍ ഗ്രാമപ്പഞ്ചായത്തിലെ 13-ാം വാര്‍ഡിനെ പ്രകൃതി സൗഹൃദ ഗ്രാമമാക്കാനുള്ള പദ്ധതിക്ക്‌ തുടക്കമായി. പൂക്കോട്ടൂര്‍ ഗവ. ഹയര്‍സെക്കന്‍ഡറി സ്കൂള് എന്‍.എസ്‌.എസ്സിന്റെ നേതൃത്വത്തില്‍ നടപ്പാക്കുന്ന പദ്ധതിയുടെ ഉദ്‌ഘാടനം ജില്ലാകളക്ടര്‍ എം.സി. മോഹന്‍ദാസ്‌ നിര്‍വഹിച്ചു. രണ്ടുദിവസം നീണ്ടുനില്‍ക്കുന്ന മിനി ക്യാമ്പ്‌ എന്‍.ആര്‍.എച്ച്‌.എം പ്രോഗ്രാം ഓഫീസര്‍ ഡോ. എ. ഷിബുലാല്‍ ഉദ്‌ഘാടനംചെയ്‌തു. വേപ്പിന്‍തൈ വിതരണം ഡോ. കെ.എം. ഇബ്രാഹിം നിര്‍വഹിച്ചു.
പൂക്കോട്ടൂര്‍ പഞ്ചായത്ത്‌ പ്രസിഡന്റ്‌ പാത്തുമ്മക്കുട്ടി, പ്രധാനാധ്യാപിക എം. ശാന്ത, വാര്‍ഡ്‌ മെമ്പര്‍ ബിയ്യക്കുട്ടി, മുഹമ്മദ്‌ സലിം, ബ്രിജിത്താമ്മ, കൃഷ്‌ണന്‍ കാരാങ്ങര എന്നിവര്‍ പ്രസംഗിച്ചു.
പൂക്കോട്ടൂര്‍ ഗ്രാമപ്പഞ്ചായത്ത്‌ 13-ാം വാര്‍ഡ്‌ ഹെല്‍ത്ത്‌ ആന്‍ഡ്‌ സാനിറ്റേഷന്‍ കമ്മിറ്റി, വ്യാപാരി വ്യവസായി ഏകോപനസമിതി, ഹില്‍ടോപ്പ്‌ റോട്ടറി ക്ലബ്‌ എന്നിവയുടെ സഹകരണത്തോടെയാണ്‌ പദ്ധതി നടപ്പാക്കുന്നത്‌.
ഇതിന്റെ ഭാഗമായി വിദ്യാര്‍ഥികള്‍ വാര്‍ഡില്‍ ആരോഗ്യസര്‍വെ നടത്തും. തുണിസഞ്ചികളും വേപ്പിന്‍തൈകളും വീടുകളില്‍ വിതരണംചെയ്യും
2008, സെപ്റ്റം 29
പൂക്കോട്ടൂര്‍ പഞ്ചായത്ത്‌ 13-ാം വാര്‍ഡ്‌ പ്രകൃതിസൗഹൃദ ഗ്രാമമാക്കുന്നു
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
0 അഭിപ്രായ(ങ്ങള്‍):
ഒരു അഭിപ്രായം പോസ്റ്റ് ചെയ്യൂ